Las votantas ed ils votants dalla vischnaunca da Sumvitg san naven dad immediat s’annunziar per la votaziun electronica. Per saver far diever d’igl e-voting eisi necessari da s’annuziar unicamein sut il suandont linc: www.gr.ch/e-voting/anmelden
Annunzias san ins far da tut temps. Ellas ston denton succeder sil pli tard 8 jamnas avon il di d’elecziun ni da votaziun.
Las votantas ed ils votants che s’annunzian per igl e-voting survegnan il cedel da legitimaziun cun tut las indicaziuns necessarias per la votaziun electronica per posta. Ils cedels da votar e d’eleger en pupi vegnan buca druvai per quest intent, ils ulteriurs documents sco p.ex. las explicaziuns davart ils projects da votaziun vegnan mess a disposiziun a moda electronica.
Ulteriuras informaziuns ed indicaziuns davart igl e-voting anfleis Vus sut www.gr.ch/e-voting ni sin la plattafuorma d’informaziun dils cantuns: evoting-info.ch
Per ulteriuras damondas stat l’administraziun communala bugen a Vossa disposiziun.