Ils 28-07-2025 ha in sbuau sil tschancun Acla Mulin dalla Via Val destruiu la via e quella ha stuiu vegnir serrada per tut il traffic. Il sbuau ha giu lavau suto il fundament dalla Via Val sin in tschancun da biabein 15-20 meters. Entras quei era la stabilitad dalla via buca stada garantida. Las lavurs per reconstruir la Via Val sil tschancun Acla Mulin han entschiet l’entschatta settember.
Las lavurs actualas e per las proximas jamnas ein:
- francar la reit da segirtad encunter l’erosiun e curdada da crappa silla scarpa nova,
- lavurs da scavament dil grep pils fundaments dalla punt,
- baghegiar en ancras per la punt e pil schurmetg dallas scarpas dil scavament,
- construcziun dils cuntraforts (Widerlager), dils pilaster e dalla platta pil vial dalla punt a spunda.
Il program da lavur pretenda che la Via Val resta serrada vinavon naven dil tschancun Acla Mulin per tut il traffic motorisau. Ils pedunzs han la pusseivladad da passar il tschacun d’Acla Mulin sur la punt pendenta. Sche tuttas lavurs san vegnir exequidas tenor plan sa prevedentamein la via vegnir aviarta la fin november /entschatta december.
Ulteriuras informaziuns dalla vischnaunca suondan tenor basegns sin la pagina d’internet www.sumvitg.ch.