Dismessa da rumians
Dalla flora e fauna stuein nus haver quitau. Perquei eis ei imprutont che l’entira economisaziun dils rufids succedi conform allas prescripziuns ed alla persistenza. Rumians da casa, glas e stuors saveis Vus dismetter directamein els molocs ellas fracziuns. A Rabius/Igniu vegn rimnau verd, neofitas e plastic. Nus supplichein da risguardar las uras d’avertura dalla deponia a Rabius/Igniu.
Duas gadas per onn vegn rimnau rumians da gronda dimensiun a Rabius/Igniu. Medemamein duas gadas per onn vegn rimnau pupi vegl. Ils datums dallas rimnadas vegnan publicai el Fegl ufficial dalla Surselva.
Per damondas stat l’administraziun communala bugen a Vossa disposiziun.
La rimnada jamnila da rumians
La rimnada periodica jamnila dils rumians succeda mintgamai la mesjamna avonmiezdi naven dallas 08.00 uras els loghens fixai a Sumvitg, Rabius, Surrein, Cumpadials, Clavadi, S. Benedetg e Chischliun.
Hosps da vacanzas, che bandunan nossa vischnaunca la fin dall’jamna, san deponer lur rumians tenor prescripziun el container da rumians sil plaz da velos sutterran dalla casa da scola Sumvitg.
Rumians da gronda dimensum
La dismessa da rumians da gronda dimensiun vegn organisada la primavera ed igl atun sper il baghetg economic Igniu (tenor publicaziun el Fegl ufficial).
Nua san ins deponer ils suandonts rumians?
- Glas
– Container a Sumvitg, Rabius, Surrein, Cumpadials - Rumians dall’jamna
– Mirar sisura - Rumians da gronda dimensiun
– Mirar sisura - Alumini/stuors alv
– Container a Sumvitg, Rabius, Surrein, Cumpadials - Resti
– Container a Sumvitg, Rabius, Surrein, Cumpadials - Ielis
– Sumvitg ed Igniu (sper il baghetg economic) - Curdems d’iert e curtin
– Igniu (sper l’ovra da gera) - Pupi vegl
– Rimnada duas ga ad onn tenor publicaziun el Fegl ufficial - Fier
– Mirar rumians da gronda dimensiun - Frestgeras / schelenteras
– Mirar sut «ferramenta electronica» - Cadavers tochen 70kg
– Stabiliment da dismessa sp.Serenera Zavragia Zignau
Apparats electrics e ferramenta electronica
- Dismessa gratuita:
– Tuts apparats electrics dil tenercasa (maschinas da lavar, frestgeras, e.a.)
– Tuts apparats electronics (pcs, apparats da televisiun, telefon e fax, radios, e.a.) - Dismessa cun cuosts:
– Maschinas da construcziun, d’iert e da hobi (resgia girabla, maschinas electricas da furar, da splanar,
maschinas da segar pastg, boilers sur 30 l, pérs da cazzolas da neon)
– Frestgeras industrialas (schelenteras, cundrez da climatisaziun, arcun-glatscheras, e.a.)
Deponer sur onn era tier il Recicladi Surselva a Rueun.
Curdems extraordinaris
Batterias, accus, medicaments, colurs, chemia san vegnir returnai tier las fatschentas.
Deponia da verd Igniu
Per la dismessa da caglias e verd stat a Rabius/Igniu ina deponia a disposiziun.
Sonda, ils 23 da mars 2024 ei la deponia aviarta naven dallas 09.00 – 12.00 uras, silsuenter ei la deponia aviarta naven da sonda, ils 30 da mars 2024 sco suonda:
| mardis: | 17.00 – 20.00 uras |
| gievgia: | 17.00 – 20.00 ura |
| sonda: | 09.00 – 12.00 uras |
Naven dil december entochen il mars dein nus era alla populaziun la pusseivladad da dismetter pigns quantums da curdems verds. Igl ei vegniu construiu ina plattaforma. Naven da leu haveis Vus la pusseivladad da dismetter ils curdems verds.
Igl access ei signalisaus. Tenor situaziun da neiv ei igl access mintgamai rumius il mardis e la gievgia suentermiezdi.
Il suandont ei lubiu da dismetter:
Deponia da caglias
- caglias e roma cun diameter sur 4 cm
- bests da plontas
- pignola senza material jester
Deponia da verd
- roma, dascha e caglias cun diameter entochen 4 cm
- fluras
- tagl da pastget e prau
- fein e strom
- feglia, zerclem e puma curdada
- fluras da balcun e da ruogs cun tratsch, denton senza ruog
- curdems da preparar fretgs, puma e legums
- cordas e sacs cumpostibels
- scorsa
- resgem e stialas da lenna buca tractada
- crosas d’ovs
- fundagl da caffè e jarvas da te
Il suandont ei scumandau da dismetter:
- lenna veglia e da baghetg
- ruogs da matgs
- tschendra
- cuschas
- cordas e sacs buca cumpostibels
- plastic
- vanzadiras da spisas cuschinadas
- neofitas (flurs nuscheivlas)
- crappa
- curdems da baghetg e blocconts
- capslas da caffè e te
- glas
- medicaments
- metal, alu e cuppas
- textilias
- sacs da tschetschapuorla
- battarias ed ielis
- pupi e cartun
- rumien electronic
- curdems da casa
Nus supplichein da risguradar las directivas. Per damondas stat l’administraziun communala bugen a disposiziun.
Curdems da gronda dimensiun
La vischnaunca organisescha duront igl onn 2024 la rimnada da rufid bloccont sco suonda:
venderdis, ils 26 d’avrel 2024, dallas 08:00 – 18:00 uras
venderdis, ils 25 d’october 2024, dallas 08:00 – 18:00 uras
Ei vegn rimnau il rufid per l’entira vischnaunca sin la plazza Igniu sper baghetg economic.
Ils curdems ein da deponer sulettamein els containers ni navettas tschentai sil plaz. Per tenercasa vegn priu encunter max. 2 m³ rumians. Quantitads pli grondas, per ex. ord rumidas da casas e clavaus ein da transportar directamein e sin cuost dil caschunader ella deponia regiunala a Rueun. Rumians jamnils, q.v.d. rumians ch’ins dismetta el sac verd e rufid bloccont pign (dimensiuns max. 100 cm liung / 60 cm lad / 60 cm ault / peisa max. 30 kg) vegnan buca pri encunter. Tals rumians ein da plazzar als plaz da rimnada usitai els vitgs e che vegnan rimnai entras la Regiun Surselva mintgamai la mesjamna.
Ei vegn acceptau
- maschinas pintgas e mopeds mo cun tratg giu ieli e benzin,
- ferramenta, ferradira da tuttas sorts (meisas da fier, uaffens da fier, velos, bogneras da fier, crutschs da neiv e.a.v.),
- tut las maschinas electronicas (computers, frestgeras, maschinas da furar, pegnas d’electrisch cun e senza ieli e.a.v.),
- mobiliar movibel (letg, scaffa, suppia, madrazza, teppi denton buca culau giu (e.a.v.),
- requisits per il temps liber e sport (skis, indrez da trenament, velos e.a.v.) ch’ein pli gronds che 100 cm liung / 60 cm lad / 60 cm ault ni pli grevs che 30 kg,
- per sac da pupi (sacs da futter) vegn incassau ina taxa da frs. 5.–,
- per pneus senza gavegl vegn incassau ina taxa da frs. 5.–, cun gavegl frs. 10.–,
- per pneus da maschinas agricolas pintgas vegn incassau ina taxa da frs. 20.– e per pneus da tracturs frs. 50.–,
- calzers da skis san vegnir dai giu en favur dalla ARGO Tavau per frs. 5.–.
Buca acceptau vegnan
- tuttas maschinas agricolas,
- lenna da brisch, lenna veglia, lenna da beghetg (tabliaus, plantschius, lattas, quaders, panos, e.a.v.)
- sacs da pupi e da plastic,
- materials da paghetar (palets, styropor, plastic e.a.v.),
- requisits per il temps liber e sport ch’ein pli pigns che 100 cm liung / 60 cm lad / 60 cm ault e pli levs che 30 kg (bob, scarsola, calzers da rodas, aissa-rulletta e.a.v.),
- blachas da ballas da silo (verdas ed alvas).
- curdems da baghetg (linoleums, isolaziuns, plastics, folias da tetg e da preits, e.a.v.) e curdems da fatschentas,
- curdem verd da curtin e caglias, tals curdems san vegnir deponi sil plaz da rimnada ad Igniu,
- cartun e pupi duei vegnir surdau alla rimnada entras las scolas resp. las uniuns,
Ils suandonts rumians vegnan rimnai cun ils rumians jamnils e basegnan las marcas sco suonda:
- sacs tochen 50 kg; 1 marca da frs. 2.50,
- rumians pigns tochen 100 cm liung / 60 cm lad / 60 cm ault e pli levs che 12 kg; 2 marcas da frs. 2.50,
- rumians pigns tochen 100 cm liung / 60 cm lad / 60 cm ault entochen ina peisa da 30 kg; 3 marcas da frs. 2.50.
Nus appelein alla responsabladad da vischinas e vischins e supplichein da setener vid quellas ordinaziuns en favur digl ambient. Medemamein fagein nus attents da buca deponer rumians sin deponias illegalas (selvadias). Talas deponias cunterfan alla legislaziun per la dismessa da rumians e vegnan annunziadas als organs responsabels.
Per ulteriuras damondas stat il gerau responsabel bugen a Vossa disposiziun.
7175 Sumvitg, avrel 2024, departament d’ambient
Plastic
Igl onn 2020 ha la Regiun Surselva introduciu in niev concept per dismetter plastic a moda adattada ed ecologica. Cul sac da rimnar ufficial sa la populaziun dalla Surselva reciclar a moda sempla e correcta emballadis da material sintetic.
En vischnaunca Sumvitg san ils sacs cun plastic vegnir dismess a Rabius/Igniu en in container. Duront il temps che la deponia da verd ei aviarta sesanfla quei container gest sper la deponia da verd. Las uras d’avertura ein identicas cun quellas dalla deponia da verd
- mardis e gievgia: 17.00 – 19.00 uras
- sonda: 09.00 – 12.00 uras
Duront il temps d’unviern sesanfla il container sper il baghetg economic da vischnaunca ad Igniu. Mintgamai l’emprema mesjamna dil meins naven dallas 08.00 – 18.00 uras san ils sacs da plastic vegnir dismess igl unviern el container.
Neofitas
Neofitas ein flurs ord regiuns jastras ch’ein vegnidas importadas dils carstgauns dapi 1492 sapientivamein e per part nunsapientivamein. En Svizra existan rodund 600 neofitas, da quei ein 60 sorts neofitas invasivas. La vischnaunca Sumvitg vul cumbatter las neofitas invasivas tenor la strategia da cumbat approbada igl onn 2018. Ils davos onns ha ei dau in grond augment e derasaziun da quellas plontas problematicas. Pertuccau ei era terren privat e curtins. Per reducir la derasaziun appelein da cumbatter las neofitas. Il suandont fegl d’informaziun muossa metaforic las sorts ch’ein il pli derasadas en la vischnaunca Sumvitg. Tier ils singuls maletgs ei la problematica ed il gener per il cumbat encunter neofitas descrets.
Las flurs san vegnir dismessas ad Igniu tier il baghetg economic en ina mulda separata. Il plaz da rimnada ei aviarts naven dils 01-06-2023. Nus supplichein Vus da transportar las neofitas separat dil curdem verd.
Sin la pagina d’internet www.infoflora.ch anfleis Vus ulteriuras informaziuns sur dallas neofitas invasivas.
