Dapi igl onn 2013 meina la vischnaunca Sumvitg ensemen cun la vischnaunca Trun la scola populara el Consorzi da scola Sumvitg-Trun. Las scolaras ed ils scolars dalla scoletta da nossa vischnaunca visetan l’instrucziun en casa da scola a Rabius. Medemamein en casa da scola a Rabius absolvan las scolaras ed ils scolars dil scalem primar lur instrucziun. Ils scolars dil scalem superiur vegnan instrui a Trun.

Ella vischnaunca vischinonta da Mustér sesanfla ella enconuschenta claustra il gimnasi dalla claustra Mustér. La scola claustrala porscha il gimnasi da sis onns ed il gimnasi cuort da quater onns.