Deponia da verd
La deponia da verd ad Igniu ei naven da immediat serrada entochen la primavera. Per dar alla populaziun era duront igl unviern la pusseivladad da dismetter pigns quantums da curdems verds vegn construiu in access che meina dad ina scala sin ina plattaforma. Naven da leu haveis Vus la pusseivladad da better giuaden ils curdems verds. Igl access ei signalisaus. Tenor situaziun da neiv ei igl access mintgamai rumiaus dalla neiv il mardis suentermiezdi e la gievgia suentermiezdi.
Igl access ei mo pusseivels a pei.
Nus supplichein da dismetter mo uorden che s’auda els curdems verds!
Rimnada da plastic
Il container per la rimnada da plastic sesanfla duront il temps d’unviern sper il baghetg economic da vischnaunca ad Igniu. Ils sacs da plastic san vegnir deponi ella chista signalisada avon il container verd. Ulteriuras informaziuns ein disponiblas sin la pagina d’internet www.sumvitg.ch.
Per damondas stat l’administraziun communala bugen a Vossa disposiziun (tel.: 081 920 25 00).