Duront il meins da matg organisescha la vischnaunca ensemen cun uniuns, la scola e persunas privatas purschidas da semover per la populaziun. Las participontas ed ils participonts rimnan minutas da moviment per la vischnaunca ed emprovan da recaltgar il tetel « la vischnaunca la pli activa en Svizra ».
Ins sa rimnar minutas da moviment cun separticipar allas activitads publicadas. Vinavon san ins cargar in’app sin il telefonin e rimnar minutas per la vischnaunca duront ch’ins va a spass, a cuorer, cun velo ni autras activitads sportivas.
Dapli informaziuns anfleis vus sut : www.coopgemeindeduell.ch e leu sut «Gemeinden 2026» e silsuenter Sumvitg.
La vischnaunca cun il comité d’organisaziun selegra sin ina stedia participaziun. Per damondas astgeis vus bugen contactar il gerau Diego Deplazes.
Per il comité d’organisaziun : Irina, Alexa, Laura, Nicole, Lucas, Diego