Sco gia informau a caschun da pliras radunonzas communalas ha la vischnaunca l’intenziun d’introducir in bus local per la vischnaunca Sumvitg. Ussa eis ei aschilunsch e nus savein introducir il bus local per nossa populaziun. Quell’incarica ha la suprastonza communala surdau alla GreinaBus GmbH. L’introducziun succeda culs 5 d’uost 2024. En ina emprema fasa da test che cuoza entochen il december 2024 sa vegnir fatg diever gratuitamein dalla purschida nova. Il bus local cursescha naven dils 5 d’uost 2024 mintga di tenor urari quater gadas las squadras. Igl urari dil bus ei disponibels sin la pagina d’internet www.sumvitg.ch. Il bus tegn en suandonts loghens tenor urari:
- Rabius, staziun dalla viafier Rabius-Surrein
- Rabius, Via Surrein (visavi anteriur Hotel Surselva)
- Rabius, scola
- Sumvitg, vitg (avon l’ustria Cruna)
- Sumvitg, staziun dalla viafier Sumvitg-Cumpadials
- Cumpadials, vitg (avon pensiun Degonda)
- Surrein, Reits (tier moloc)
- Surrein, Giachentrina (avon La Bikeria GmbH)
- Surrein, vitg (avon PRIMA)
Tier las fermadas secatta in tabla corrispundenta cun igl urari dil bus local.
Naven dil december 2024 ei la nova purschida integrada el plan dil traffic public ordinari ed il bigliet sa lu era vegnir empustaus sur l’applicaziun «SBBapp». Plinavon vegn naven dil december introduciu in taxi da clom per ils uclauns.
La suprastonza communala spera ch’ei vegn stedi fatg diever dalla purschida nova. Per damondas stat l’administraziun communala bugen a Vossa disposiziun.
Departament traffic
