Carta dil di da spargn
La carta dil di da spargn vischnaunca ei ina purschida contingentada ch’ins sa retrer tier la vischnaunca da Sumvitg. Ella vala per tut ils tschancuns dil sectur d’applicaziun digl abonnament general (GA) il di tscharniu entochen las 05.00 dil di suandont. La carta dil di da spargn sa vegnir retratga tut tenor la disponibladad per la 1. ni per la 2. classa sco era cun ni senza mesa taxa.
La carta dil di da spargn dalla vischnaunca ei disponibla mo en la prevendita: naven da 6 meins ordavon e tochen sil pli tard 1 di avon il viadi. La vendita vegn fatga senza excepziun al spurtegl dall’administraziun communala. La carta dil di da spargn dalla vischnaunca ei mo disponibla a moda persunalisada (negina transferibladad a tiarzas persunas) e sa mo vegnir restituida en cass excepziunals. Ella sa buca vegnir duvrada per affons e per tgauns. Cun la purschida existenta dallas viafiers san lezs viagiar pli bienmarcau.
Las cartas dil di da spargn vischnaunca dat ei en dus differents scalems da prezi. Ils prezis ils pli favoreivels survegnis Vus entochen maximalmein 10 dis avon il di da viadi.
| Scalem da prezis 1 (da survegnir maximalmein entochen 10 dis avon il di da viadi) |
Scalem da prezis 2 (da survegnir maximalmein entochen 1 di avon il di da viadi) |
|
|---|---|---|
| 2. classa cun mesa taxa | frs. 39.00 | frs. 59.00 |
| 2. classa senza mesa taxa | frs. 52.00 | frs. 88.00 |
| 1. classa cun mesa taxa | frs. 66.00 | frs. 99.00 |
| 1. classa senza mesa taxa | frs. 88.00 | frs. 148.00 |
La vendita entscheiva ils 11 da december 2023 ed igl emprem di da viadi pusseivel ei ils 1 da schaner 2024.
L’annunzia da disponibladad sco era tut las informaziuns e disposiziuns relevantas davart la carta dil di da spargn vischnaunca anfleis Vus sin www.spartageskarte-gemeinde.ch.