Revisiun planisaziun locala
En sia seduta dils 10-07-2023 ha la suprastonza communala approbau la revisiun dalla planisaziun locala per mauns dalla preexaminaziun. Consequentamein ei la revisiun dalla planisaziun locala vegnida inoltrada ils 31-07-2023 sin fundament digl art. 12 dall’ordinaziun davart la planisaziun dil territori (OPTGR) agl uffeci per svilup dil territori per la preexaminaziun.
En rama dalla revisiun dalla planisaziun locala vegnan ils instruments da planisaziun dil territori habitau adattai. Il plan da zonas e la lescha da baghegiar vegnan en quei connex adattai e surluvrai cumpletamein.
Duront la fasa transitorica respectivamein aschiditg che la revisiun ei tier igl uffeci per svilup dil territori en preexaminaziun valan en emprema lingia:
Per zonas las qualas ei maunca determinaziuns ella lescha da baghegiar veglia (d.a. zona per habitaziuns da persunal, zona per habitaziuns secundaras commercialisadas turisticamein/zona resort, zona da habitar 3) valan las determinaziuns dalla lescha da baghegiar nova. Sin damonda tarmetta l’administraziun communala a Vus la lescha da baghegiar nova.
Nus supplichein da s’annunziar tier l’administraziun communala tier damondas ed engraziein per Vossa capientscha.
Suprastonza communala Sumvitg
