La vischnaunca da Sumvitg enquera sin l‘entschatta settember 2026 ni tenor cunvegnientscha
in(a) collaboratur(a) pil menaschi tecnic (80 – 100%)
Incumbensas
- collaboraziun vid il manteniment da vias e dils stabiliments communals
- collaboraziun vid il manteniment da sendas e dall’infrastructura turistica
- differentas lavurs sil sectur stradal e forestal
- duront igl unviern rumida da neiv cun survetsch da pichet
Vies profil
- bunas experientschas sil sectur dalla construcziun bassa
- bunas habilitads sco maschinist
- promtadad da s’engaschar tenor basegns ordeifer il temps da lavur usitau
- habilitad da luvrar en team e sur sesez
- tenor pusseivladad domicil en vischnaunca
Nossa purschida
- plazza varionta e multifara
- team motivau ed emperneivel ambient da lavur
- cundiziuns d’engaschi tenor legislaziun da persunal cantunala
- pusseivladads da sescolar vinavon
Havein nus svegliau Vies interess? Lu tarmettei ils documents d’annunzia usitai entochen ils 19 da zercladur 2026 (posta A) alla Suprastonza communala, “plazza menaschi tecnic”, Via Quadras Su 10, 7175 Sumvitg ni per mail a gionduri.maissen@sumvitg.ch.
Per ulteriur sclariment stat il menader dil menaschi tecnic Beat Cadruvi (079 681 19 67) bugen a Vossa disposiziun.