Cumissiun da cultura

La cumissiun da cultura promova fatgs culturals en vischnaunca da Sumvitg.

Finamiras ed incumbensas dalla cumissiun

1. Ella promova, impulsescha e segida d’organisar occurrenzas cun valetas culturalas en emprema lingia enteifer ni en connex cun la vischnaunca da Sumvitg. Seigi quei d’uniuns ni da persunas singulas sco per exempel vernissaschas da cudischs, referats, ovras litteraras, exposiziuns d’artists, sentupadas culturalas, excursiuns, films, concerts, teater, musica, cant, lavurs manualas d’antruras (p. ex. filar, entagliar), eav.
2. La cumissiun definescha, enquera, promova e documentescha sanaziuns da valur culturala e mantegn ellas pils vegnentsuenter. P.ex.: baghetgs ed objects sco fuorns, tegias, museums, mirs e vias da gronda valeta culturala.
3. La cumissiun da cultura sensibilisescha e motivescha ils habitonts dalla vischnaunca da Sumvitg da mantener e tgirar fatgs culturals, quei en buna collaboraziun cun l’Uniun Archiv cultural Sumvitg.
4. La cumissiun da cultura pren encunter damondas per susteniments finanzials che han in connex cun las finamiras ed incumbensas dalla cumissiun e suttametta quels alla suprastonza dalla vischnaunca da Sumvitg. Lezza decida la finala davart il sustegn finanzial.

Persuna da contact:
Gion Battesta Huonder / Via Vitg 39 / 7176 Cumpadials
mail: gion.huonder@sumvitg.ch