La vischnaunca da Sumvitg cun ils quater pittorescs vitgs Sumvitg, Rabius, Cumpadials e Surrein ed ils uclauns idillics, tgira in migeivel e ruasseivel turissem. La stad sco era igl unviern ha la vischnaunca da Sumvitg bia da porscher. L’enconuschenta caplutta da Peter Zumthor a Sogn Benedetg e las baselgias dils vitgs valan ina viseta. Era ina spassegiada sil Lag da Laus ni sil Lag Serein ei in eveniment per pign e grond. Per perseveronts viandonts ei il plaun dalla Greina ina nunemblideivela excursiun. Igl unviern porscha la loipa da 30 km da Trun entochen Mustér ina guida per giuven e vegl. Ni gudi in di da skis en ina destinaziun vischinonta. Detagliadas informaziuns davart il turissem anfleis Vus sin la pagina d’internet dall’uniun da turissem Sumvitg Turissem e sin la pagina da Surselva Turissem.

Hotels, pensiuns, plaz da campar, habitaziuns e casas da vacanzas anfleis Vus medemamein silla pagina d’internet Sumvitg Turissem.