Taglia da tgauns

Tenor artechel 7 dalla lescha communala da taglia ei mintga persuna che tegn in tgaun sil territori dalla vischnaunca da Sumvitg obligada da pagar ina taglia da tgauns. Plinavon sto il tgaun esser marcaus cun in microchip.
Ils possessurs da tgauns retscheivan directamein in quen per la taglia da tgauns. Quella munta pigl emprem tgaun frs. 75.00 e per mintga ulteriur tgaun ella medema casada frs. 200.00 per onn. Tgauns da polizia, tgauns da schurmetg, tgauns da lavinas sco era tgauns per tschocs e suords ein deliberai dalla taxa.

Adatg
Possessurs ch’acquistan da niev in tgaun ein obligai da vegnir enteifer 30 dis persunalmein al spurtegl dall’administraziun communala per cumprovar la registraziun dil microchip. Il conto sin la plattafuorma da datas Amicus vegn endrizzaus entras l’administraziun communala. Mintga possessur d’in tgaun ei obligaus da registrar acquists, surdadas, mortoris ed exports egl exteriur d’in tgaun.
Dapli informaziuns anfleis Vus sut www.amicus.ch.