Muort in sbuau sil tschancun d’Acla Mulin ha la Via Val naven dil vitg da Val anen stuiu vegnir serrada per tut il traffic gliendisdis, ils 28-07-2025 allas 17.00. Il sbuau ha lavau suto il fundament dalla Via Val sin in tschancun da biabein 15-20 meters. Entras quei ei la stabilitad dalla via buca garantida. Gievgia, ils 31-07-2025 ha ein ils vehichels che sesanflavan dadens sil sbuau vegni suglai ora. Totalmein 16 vehichels ha ina fatschenta da helicopter sin incarica dalla vischnaunca sgulau viadora. Plinavon ha la vischnaunca preparau ad Acla Mulin entgins parcadis per temps temporar che dueien survir als hosps ed als possessurs da tegias da vacanzas. Naven da damaun venderdis, ils 1 d’uost 2025 allas 06.00 uras ei la Via Val aviarta entochen Acla Mulin. La vischnaunca supplichescha da parcar sulettamein sin ils parcadis marcai. Sin ils plazs da sentupada sco era sin plazs cun scamond da parcar astga buca vegnir parcau autos.
Igl access per pedunz en la Val sco era sin la Greina ei garantius sur la punt pendenta.
Ulteriuras informaziuns dalla vischnaunca suondan tenor basegns sin la pagina d’internet www.sumvitg.ch.
Il stab da crisa e la suprastonza communala engrazian als possessurs ed allas possessuras d’autos ch’ein stai serrai en la Val Sumvitg per la pazienzia, capientscha e buna collaboraziun. Allas convischinas, als convischins, possessuras e possessurs da schischom ed als hosps engraziein medemamein per la capientscha e collaboraziun.
La suprastonza communala ed il stab da crisa giavischan ina biala fiasta d’emprem d’uost sco era ina biala find’jamna.
Stab da crisa, 31-07-2025 / 20.00 uras