Damondas da baghegiar ein da tschentar agl uffeci da baghegiar dalla vischnaunca da Sumvitg. Il gremi cumpetent per decider davart las damondas ei la cumissiun da baghegiar dalla vischnaunca Sumvitg.

Ei vegn differenziau denter treis proceduras administrativas da baghegiar.

Damondas pintgas (indicaziuns)

Projects da construcziun che basegnan negina lubientscha da baghegiar ston vegnir annunziai cun ina damonda pintga (indicaziun). En general setracta ei da projects tenor art. 40 dall’ordinaziun davart la planisaziun dil territori per il cantun Grischun.

Exempels per damondas pintgas

  • lavurs da manteniment
  • remplazzament da finiastras / remplazzament d’eschs (sch’ei dat neginas midadas)
  • pintgas ulivaziuns da terren

Damondas da baghegiar ordinarias

Projects da baghegiar en zona da baghegiar ch’ein buca deliberai d’ina procedura ordinaria basegnan ina damonda da baghegiar ed ina exposiziun publica da 20 dis.

Exempels per damondas da baghegiar ordinarias

  • construcziuns aultas
  • engrondaziuns da baghetgs existents
  • midadas vid fatschadas
  • engrondaziun da finiastras ed escha

Damondas da baghegiar per intents ordeifer la zona da baghegiar (BAB)

Projects da baghegiar ordeifer la zona da baghegiar (per exempel zona d’agricultura) basegnan sper ina lubientscha communala era ina lubientscha digl uffeci per svilup dil territori dil cantun Grischun. Era questas damondas ston vegnir inoltradas agl uffeci da baghegiar dalla vischnaunca Sumvitg.

Per ulteriur sclariment supplichein nus da contactar igl uffeci da baghegiar.

Plan da zonas: www.geo-surselva.ch

Formulars da vischnaunca:

Formulars ed informaziuns dil cantun

Informaziuns sco era ils formulars dils uffecis cantunals ein disponibels sin las paginas d’internet cantunalas. Cheu ina survesta dallas impurtontas.

Damondas ordeifer la zona da baghegiar
Uffeci per il svilup dil territori dil cantun Grischun

Damondas per ina lubientscha dalla polizia da fiug
Assicuranza d‘edifecis dil cantun Grischun

Diversas damondas per projects sper la via cantunala
Uffeci da construcziun bassa dil cantun Grischun

Damondas per ina pumpa termica, protecziun da canera per pumpas d’aria, pumpas d’aua e pumpas termicas
Uffeci per la natira ed igl ambient dil cantun Grischun

Damondas per ina contribuziun substitutiva per refugis obligatorics che vegnan buca construi
Uffeci da militar e da protecziun civila dil cantun Grischun

Damondas pertuccont energia
Uffeci d’energia e da traffic dil cantun Grischun

Baghetgs che stattan sut la protecziun da monuments
Tgira da monuments dil cantun Grischun